Հոկտեմբերի 8-ին ՀՀ Քննչական կոմիտեի Կոտայքի մարզային քննչական վարչութեան պետ Հովհաննես Չալաբեանի միջնորդություն է ներկայացրել Կոտայքի մարզի ընդհանուր իրավասութեան դատարանի Եղվարդի նստավայր, որպեսզի դատավորը որպես խափանման միջոց երկամսյա կալանքի որոշում կայացնի Հրազդան քաղաքի բնակիչներ Գարիկ Հակոբեան, ով ավելի շատ հայտնի է Լունայի Գարիկ մականունով, և Բենո Սարգսեանին նկատմամբ։

 

Այս երկու անձինք կասկածվում են հոկտեմբերի 5-ին Կոտայքի մարզի Քաղսի բնակավայրում ինքնաձիգից ՀՀ Ներքին գործերի նախարարութեան ոստիկանութեան Պարեկային ծառայութեան Կոտայքի մարզի գումարտակի 1-ին վաշտի 2 պարեկների ուղղությամբ կրակոցներ արձակելու մեջ, ովքեր այնուհետև ռուսական համարանիշներով «Hyundai» մակնիշի ավտոմեքենայով դիմել էին փախուստի։

 

Shamshyan.com-ի հաղորդմամբ՝ Եղվարդի դատարանի նստավայրում դատարանի նախագահ Գեղամ Մարգարեանի կողմից դռնփակ դատական նիստն անցկացնելուց և խորհրդակցական սենյակից վերադառնալուց հետո դատարանը բավարարել է քննիչի միջնորդությունը, և ստահակները դատարանից տեղափոխվել են ՀՀ Արդարադատութեան նախարարութեան քրեակատարողական ծառայութեան համապատասխան բանտ։ Դատարանը նաև կայացրել է խիստ որոշում՝ սահմանափակելով ցանկացած շփում, այցելություն, հեռախոսային զանգ, հեռախոսից օգտվելու հնարավորություն։ Հայտնաբերվել է նաև «Hyundai»-ն։