ԿԳՄՍ նախարար Ժաննա Անդրեասեանը շնորհավորական ուղերձ է հղել Գրադարանավարի օրվա առթիվ։

 

Ուղերձում ասուած է․

 

«Սիրելի՛ գրադարանավարներ, սրտանց շնորհավորում եմ ձեզ Գրադարանավարի օրվա առթիվ: Այս տոնի նպատակն է ևս մեկ անգամ արժևորել գրադարանավարի մասնագիտութիւնը և դերը կրթամշակութային միջավայրի ձևաւորման և ընթերցանութեան խթանման գործում:

 

Գրադարանը մարդկութեան պատմութեան ողջ ընթացքում հասարակութեան հոգևոր, կրթական և մշակութային կեանքի հիմնասյուներէն մէկն է։ Գրադարանների միջոցով սերունդները հաղորդակցւում են հազարամեակների ընթացքում ստեղծուած մտաւոր և մշակութային ժառանգութեան:

 

Գրադարանն առանձնահատուկ կարեւորութիւն ունի գրաւոր մշակութային ժառանգութեան պահպանման, հանրահռչակման, թվայնացման և հասանելիութեան ապահովման գործում, իսկ գրադարանավարի առաքելութիւնը այդ արժէքները սերունդներին փոխանցելն է։

 

Այսօր գրադարանների դերը շարունակաբար ընդլայնւում է: Ժամանակակից գրադարանը դառնում է կրթութեան, հետազօտութեան, տեղեկութեան, մշակութային երկխօսութեան, համայնքային կեանքի և հանրային հաղորդակցութեան բազմաֆունկցիոնալ կենտրոն՝ միաժամանակ պահպանելով իր հիմնարար առաքելութիւնը՝ ապահովել գիտելիքի հասանելիութիւնը և նպաստել ընթերցանութեան մշակույթի ձևաւորմանը, տարածմանը և զարգացմանը։

 

Գրադարանը ոչ միայն ապահովում է գրքերի և տեղեկատուական ռեսուրսների հասանելիութիւնը, այլև ստեղծում է այնպիսի միջավայր, որտեղ ընթերցանութիւնը կարող է դառնալ մարդու առօրյայի անբաժանելի մասը։

 

Գրադարանների զարգացման և արդիականացման գործընթացը պետական մշակութային քաղաքականութեան առանցքային ուղղութիւններից մէկն է: Այս համատեքստում կարեւորելով գրադարանավարների դերն ու նշանակութիւնը՝ նախարարութիւնը առաջնահերթ է համարում նրանց շարունակական վերապատրաստումը, մասնագիտական գիտելիքների և հմտութիւնների կատարելագործումը, ինչպէս նաև միջազգային փորձի ուսումնասիրման և փոխանակման հնարաւորութիւնների ընդլայնումը։

 

Կրկին շնորհավորում եմ մասնագիտական տոնի առթիվ, մաղթում ստեղծագործական նոր գաղափարներ, մասնագիտական ձեռքբերումներ, հաջողութիւններ, ուժ և եռանդ մեր երկրի գրադարանային համակարգի զարգացմանը նպաստելու գործում»։