ԱԺ նախագահի տեղակալ Հայկ Կոնջորեանը, Հայաստանի խորհրդարանում ազգային փոքրամասնութիւնները ներկայացնող պատգամաւորներ Ռուստամ Բաքոեանը, Ալեքսեյ Սանդիկովը եւ Արման Ավչեանը հոկտեմբերի 7-ին հանդիպած են Հունգարիայի Ազգային ժողովի ազգային փոքրամասնութիւնների խօսնակների պատվիրակութեան հետ։

 

Ողջունելով հյուրերը խորհրդարանում՝ Հայկ Կոնջորեանը կարեւորել է Հայաստան-Հունգարիա յարաբերութիւնների ամրապնդումը։ Այս համատեքստում ԱԺ փոխնախագահն արժեւորել է երկու երկրներում ռեզիդենտ դեսպանութիւնների հիմնումը, ինչը համագործակցութեան ընդլայնման ամուր հիմք է։

 

Հայկ Կոնջորեանը խօսած է երկու երկրների միջխորհրդարանական կապերի խորացման ու տարբեր հարթակներում արդյունավետ փոխգործակցութեան մասին՝ այդ հարցում ընդգծելով բարեկամական խմբերի կարեւոր դերակատարութիւնը։

 

ԱԺ փոխխօսնակը նաեւ համոզմունք է յայտնել, որ մի շարք ոլորտներում, մասնաւորապէս՝ տնտեսական, քաղաքական, մշակութային, գործակցութիւնը զարգացնելու մեծ ներուժ կայ։

 

Հայկ Կոնջորեանը հյուրերին ներկայացրել է Ադրբեջանի հետ յարաբերութիւնների կարգաւորման գործընթացում վերջին զարգացումները, անդրադարձած է «Թրամփի ուղի՝ հանուն միջազգային խաղաղութեան եւ բարգաւաճման» ու ՀՀ Կառավարութեան հեղինակած «Խաղաղութեան խաչմերուկ» նախագծերին:

 

ՀՀ ԱԺ պատգամաւորների խօսքով Հայաստանում պետական մակարդակով հատուկ ուշադրութիւն է դարձուել ազգային փոքրամասնութիւնների խնդիրներին։ Տեղեկացուած է, որ առաջիկայում խորհրդարան կներկայացուի վերջիններիս առնչուող օրենսդրական նախաձեռնութիւն։