Ոստիկանութենէն տեղեկացնում են, որ քաղաքացիներին համացանցի միջոցով ուղարկվում են հաղորդագրութիւններ, որոնք արտաքին տեսքով ներկայացվում են որպէս ՀՀ ՆԳՆ ոստիկանութեան պաշտոնական ծանուցում։

 

Հաղորդագրութեան մէջ նշվում է, թէ քաղաքացին իբր կատարել է իրավախախտում, եւ պահանջվում է վճարել տուգանք՝ հաղորդագրութեան մէջ նշուած հղման կամ QR կոդի միջոցով։

Նպատակը բանկային տվյալների, գաղտնաբառերի կամ SMS-ով ստացած հաստատման կոդերի ձեռքբերումն ու հետագայում դրամական միջոցների հափշտակությունն է։

 

«ՈՉ ՄԻ ԴԵՊՔՈՒՄ մի՛ վճարեք նշուած գումարը եւ մի՛ սկանավորեք QR կոդը։

Մի՛ անցեք կասկածելի հղմամբ եւ մի՛ մուտքագրեք բանկային տվյալներ կամ SMS կոդեր։

Եթե արդեն բացել եք հղումը՝ փակեք բրաուզերը։ Եթե չի փակվում՝ Windows-ում օգտագործեք Ctrl + Alt + Del → Task Manager, իսկ Mac-ում՝ Cmd + Option + Esc եւ ստիպողաբար փակեք բրաուզերը։

 

Վերագործարկելուց հետո մի՛ վերականգնեք նախորդ սեսիայի էջերը։

Եթե արդեն մուտքագրել եք բանկային քարտի տվյալներ կամ SMS-ով ստացած հաստատման կոդ, անմիջապես կապ հաստատեք ձեր բանկի հետ, արգելափակեք քարտը եւ դիմեք իրավապահ մարմիններին։

 

Պաշտոնական մարմնի անունը, տարբերանշանը կամ պետական ոճով պատրաստուած էջը դեռ չեն նշանակում, որ հաղորդագրութիւնը իրական է։

Միշտ ստուգե՛ք հղման հասցէն եւ տեղեկութիւնը՝ պաշտոնական աղբյուրից»: