Ռուսական զորքը հարձակումների ժամանակ անօդաչուներ է կիրառել։

 

Sputnik. ՌԴ բանակը գիշերը հարվածել է Ուկրաինայի զինված ուժերի շահերը սպասարկող տվյալների կենտրոնի և այլ օբյեկտների։ Այս մասին հայտնել է Ռուսաստանի պաշտպանության նախարարությունը։

 

«ՌԴ ԶՈւ–ն շարունակում է հարվածներ հասցնել լոգիստիկ և հաղորդակցման կենտրոններին, ինչպես նաև նավերին, որոնք ծառայում են Ուկրաինայի զինված ուժերի շահերին», – ասվում է ՌԴ ՊՆ–ի հաղորդագրության մեջ։

 

Նշվում է, որ գիշերը անօդաչուների հարվածների հետևանքով խոցվել են

 

Կիևում՝

 

տրանսպորտալոգիստիկ կենտրոնը («Ռենտա Լոգիստիկ» ՍՊԸ–ն), որի պահեստային շենքում անանձնակազմ մոտորանավերի արտադրության արհեստանոց էր կահավորված,

 

Օդեսայում և Օդեսայի մարզում՝

 

«HOSTING-UA» տվյալների կենտրոնը, որի միջոցով Ուկրաինայի զինված ուժերի շահերը սպասարկող հետախուզական և այլ ծառայողական տեղեկատվության մշակում էր իրականացվում։

 

Չեռնոմորսկի նավահանգստում խոցվել է Ուկրաինայի զինված ուժերի համար նախատեսված ռազմական գույքով և երկակի նշանակության բեռներով նավը:

 

Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։

 

Մարտական գործողություններն ընթանում են մինչ օրս։

 

Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։