«Ապրելու երկիր» կուսակցությունը Հայաստանի հինգ համայնքներում կմասնակցի ՏԻՄ ընտրություններին

«Ապրելու երկիր» կուսակցությունը Հայաստանի հինգ համայնքներում կմասնակցի ՏԻՄ ընտրություններին

  • 14-09-2021 17:34:40   | Հայաստան  |  Մամլո հաղորդագրություն

«Ապրելու երկիր» կուսակցությունը հայտարարել է հոկտեմբերի  17-ին կայանալիք տեղական ինքնակառավարման մարմինների ընտրություններին մասնակցության մասին: Կուսակցությունից տեղեկանում ենք, որ սեպտեմբերի 14-ին տեղի ունեցած մամուլի ասուլիսին կուսակցության նախագահ, համահիմնադիր Մանե Թանդիլյանը տեղեկացրեց, որ ընտրությունների մասնակցության հայտ են ներկայացրել հինգ համայնքում՝ Սյունիքի մարզի Տեղ, Տաթև, Մեղրի, Դիլիջանի խոշորացված համայնքում և Գյումրիում։ Ընդհանուր բոլոր համայնքների ավագանիների կազմում ընդգրկված են 107 թեկնածու։  
 
«Միայն ուժեղ համայնքն է կարողանալու ապահովել կայուն ու զարգացող պետության հեռանկար: Այս տեսլականով է մեր կուսակցությունը մասնակցում ՏԻՄ ընտրություններին՝ պատրաստ տեղերում ստանձնելու կառավարման պատասխանատվությունը: Ըստ էության՝ մենք հապաղելու ժամանակ չունենք, և կորցրած ամեն օրը երկրի համար դառնում է ճակատագրական»,-ասաց Մանե Թանդիլյանը:
 
Կուսակցության համահիմնադիր Մեսրոպ Առաքելյանը նշեց, որ վերջին ամիսների մարզային այցելությունները ցույց են տվել, որ գրեթե բոլոր համայնքներում բացակայում է ապրելու միջավայրը. առկա են անհատական-ընտանեկան կենցաղի կազմակերպումից մինչև ենթակառուցվածքային հարցեր՝ առողջապահական, կրթական, այլ ծառայություններից օգտվելու խնդիրներ: «Այդ այցելությունները մեզ հանգեցրին այն մտքին, որ չնայած համայքները տարբեր են,  բայց ունեն նմանատիպ խնդիրներ՝ լուծման համանման եղանակներով: Մենք կարևորում ենք ոչ միայն տարբեր համայնքներում թիմային մասնակցությունը, այլև համագործակցաբար այդ խնդիրների լուծումը»,-ասաց Մեսրոպ Առաքելյանը: 
 
Վերջինս նշեց նաև, որ «Ապրելու երկիր» կուսակցությունը կարևորում է այնպիսի մեխանիզմների մշակումը, որով համայնքներն ի զորու կլինեն բարձրացնել իրենց ֆինանսական ինքնուրույնությունն ու ներգրավել համայնքի զարգացմանն ուղղված ներդրումներ: Այդ համատեքստում կարևոր են համարում մասնավոր-համայնք գործակցությունը, որպեսզի ներդրումները բացի Երևանից ու հարակից համայնքներից հոսեն նաև հեռավոր շրջաններ: 
 
Ինչ վերաբերում է սահմանամերձ համայնքների անվտանգությանն ու բնակիչների պաշտպանությունը, ապա կուսակցությունն այստեղ ևս լուծման տարբերակներ է առաջարկում: «Պատրաստ ենք լինելու այնպիսի միջոցներ ձեռնարկել, որոնք վստահություն կտան տվյալ բնակավայրի բնակիչներին համայնքի հնարավորության սահմաններում պաշտպանվածության աստիճան ունենալ: Մենք հասկանում ենք, որ անվտանգության ապահովման հարցը պետական կառավարման հարց է, բայց մինևնույն ժամանակ տեղում կազմակերպական բազմաթիվ հարցեր կան, որոնք համայնքը կարող է ստանձնել ու պետք է ստանձնի»,-նշեց Մանե Թանդիլյանը: 
 
Առաքելյանը հավելեց, որ մտածում են նաև որոշ հատվածներում անվտանգության նկատառումներից ելնելով խոցելի դարձած գյուղատնտեսական աշխատանքների փոխարինման հարցը: «Պետք է ստեղծվեն նոր հնարավորություններ, որ սահմանամերձ համայնքների բնակիչները սեփական կայուն եկամուտ վաստակելու առումով հնարավորինս արագ փոխարինող զբաղվածություն գտնեն»,-ասաց Մեսրոպ Առաքելյանը: 
 
«Ապրելու երկիր» կուցակցության ղեկավարները հորդորեցին քաղաքացիներին մաս կազմել սեփական համայնքներում կառավարման մարմնի ձևավորման ընտրություններին և իրենց քվեով մասնակցություն ունենալ որոշումների կայացմանը: «Մեր քարոզարշավի մեջ նաև անտարբերության դեմ պայքարելու խնդիր ենք դրել: Մենք  որևէ րոպե հուսահատվելու հնարավորություն չունենք, պետք է շատ արագ սթափվենք, ոտքի կանգնենք ու դա անենք ընտրությունների միջոցով: Ցույց տանք, որ մենք մեզ չենք զրկում զարգանալու և հզորանալու հնարավորությունից: Իսկ պետությունն ու համայնքը կարող են զարգանալ ու հզորանալ բացառապես քաղաքացիների մասնակցությամբ, նրանց ձայնով»-շեշտեց Մանե Թանդիլյանը: 
 
Մեսրոպ Առաքելյանի դիտարկմամբ էլ՝ համայնքներում կան նվիրյալ ու կարող անձիք, ովքեր ունեն լիակատար կարողություններ իրենց բնակավայրերում փոփոխություններ բերելու, ում համախմբելու պարտավորությունն էլ իրենք ստանձնել են:
 
Իսկ կանանց մասնակցությունն ընտրական գործընթացներին համարում են ոչ միայն քվոտա, այլև երկարաժամկետ կայուն զարգացման ու անվտանգության ապահովման հեռանկար: 
 
Ստորև՝ «Ապրելու երկիր» կուսակցության համամասնական ցուցակները գլխավորող թեկնածուները
 
Գյումրու համամասնական ցուցակը գլխավորում է Կարեն Մալխասյանը, ով սոցիալական ծառայության Գյումրու տարածքային կենտրոնի ղեկավարն է:
 
Դիլիջանի ընտրություններում համամասնական ցուցակը գլխավորում է Արմինե Հովհաննիսյանը, ով Դիլիջանի համայնքային կենտրոնի տնօրենն է:
 
Մեղրիի ընտրություններում կուսակցությունը մասնակցում է Արմեն Հայրապետյանի գլխավորած ցուցակով, ով ՎՏԲ-Հայաստան Մեղրի մասնաճյուղի բանկի հաճախորդների սպասարկման ղեկավարն է:
 
Տաթևի ընտրությունների ցուցակը գլխավորում է Մարատ Գերասիմյանը, ով համայնքային աշխատանքի մեծ ու կարևոր փորձ ունի: 
 
Տեղի ընտրություններում համամասնական ցուցակը ղեկավարում է Արգամ Հովսեփյանը, ով ներկայում Արավուս սահմամերձ բնակավայրի վարչական շրջանի ղեկավարն է:
 
 
 
 
 
 

Բաժանորդագրվեք Noyan Tapan TV ալիքին եւ դիտեք մեր բոլոր հաղորդումները հետեւյալ խորագրերում՝  

Քննարկում

Հրատապ Հարցեր 

«Հասկանանք»՝ հաղորդաշար Հովսեփ Խուրշուդյանի հետ

«Փափուկուժ» հաղորդաշար՝ Մարիամ Ավագյանի հետ

Ականատեսի աչքերով

Ազատ խոսափող

Прямым текстом

Ноян Тапан на русском

Գիտական Հայաստան

Իրավունք․Օրենք․Հասարակություն

HyeID Հայ ինքնության քարտ

Լինենք առողջ

Զարգացման ծրագրեր Հայաստանի համար

Բաժանորդագրվեք մեզ/ Подписывайтесь 

Youtube-  Նոյյան Տապան հիմնական

Youtube - Նոյյան Տապան ուղիղ եթեր

Facebook - Նոյյան Տապանի ֆեյսբուքյան էջ

Facebook - Նոյյան Տապան խումբ

Twitter - Նոյյան Տապան Թվիթերյան էջ

Telegram - Նոյյան Տապան Տելեգրամ ալիքում  

#noyantapantv #Նոյյանտապան #ноянтапантв #Արցախ #Арцах #карабах #լուրեր  #լուր#lur#lurer#азербайджан_армения #НоянТапан #Armenia #Armenianews #Հայաստան #ՆիկոլՓաշինյան #Армения #НиколПашинян #նոյանտապան #karabakh #Нагорный_Карабах #нагорныйкарабахBottom of Form

Գովազդի հարցերով գրեք՝ [email protected]

Նոյյան Տապանի առավոտյան հաղորդումը ուղիղ հեռարձակվում է Երևանի ժամանակով ժամը՝ 10:00-11:00-ը:  

Հաղորդման ուղիղ հեռարձակման ընթացքում կարելի է զանգահարել եւ հարցեր ուղղել բանախոսներին ամերիկյան 818 967 53 21 եւ հայաստանյան +374 60 35 11 31 հեռ/համարներով և Wiber, WhatsApp  +374 55 50 90 75 համարով:

Սիրելի հեռուստադիտողներ։ Դուք այժմ կարող եք հովանավորել մեզ՝ պարզապես մտնելով մեր ալիքի  Հովանավորություն բաժինը:

Սիրելի հայրենակիցներ, մենք շատ ուրախ ենք տեսնել ձեր գրառումները եւ քննարկումները, սակայն հայհոյանքները ջնջվելու են, իսկ գռեհիկ գրառումներ անողները արգելափակվելու են։

«Նոյյան Տապան» լրատվական կենտրոն («ՆՏ Հոլդինգ») 

 Հայաստան, Երեւան, 0009, Իսահակյան28 

 Հեռ․+374 60 351122, +374 60351123, +1 818 967 5677  

էլ․փոստ` [email protected]

 Կայք՝ www.nt.am

 

 

Նոյյան տապան   -   Մամլո հաղորդագրություն