Մուսա Եվլոեւ. Երկար էի պատրաստվել Արթուր Ալեքսանյանի հետ գոտեմարտին

17-09-2019 12:22:18   | Ղազախստան  |  Սպորտ
Ռուս Մուսա Եվլոեւը հունահռոմեական ոճի ըմբշամարտի 97 կգ քաշային կարգում աշխարհի կրկնակի չեմպիոն դառնալուց հետո կիսվել է տպավորություններով:
 


Ղազախստանի մայրաքաղաք Նուր-Սուլթանում անցկացվող աշխարհի առաջնության եզրափակիչում ռուս ըմբիշը պետք է ուժերը չափեր Ռիո-2016 Օլիմպիական խաղերի ոսկե մեդալակիր, աշխարհի եռակի ու Եվրոպայի քառակի չեմպիոն Արթուր Ալեքսանյանի հետ, որը վնասվածքի պատճառով հրաժարվել էր գոտեմարտի մասնակցությունից եւ արժանացել արծաթե մեդալի:
 
«Աշխարհի առաջնությանը մոտեցել էի լավագույն մարզավիճակում եւ շատ եմ ցավում, որ չանցկացրի եզրափակիչ գոտեմարտը: Երկար էի պատրաստվել ու սպասում էի Արթուր Ալեքսանյանի հետ գոտեմարտին, թեեւ նախորդ տարի աշխարհի առաջնությունում հաղթել էի նրան: Շուտափույթ ապաքինում եմ մաղթում Արթուրին: Մինչեւ վերջին պահը չգիտեի, որ նա հրաժարվելու է եզրափակիչի մասնակցությունից: Օլիմպիական խաղերի ուղեգիրն արդեն մերն է, սակայն տանը կա լուրջ մրցակցություն եւ պետք է հաղթահարել այդ փուլը: Հույս ունեմ, որ Օլիմպիական խաղերում կպաշտպանեմ Ռուսաստանի գույները: Պատրաստ եմ ամեն ինչ անել Տոկիո մեկնելու եւ Խաղերում հաղթելու համար»,- ասել է Մուսա Եվլոեւը:
 
մեդալի:   «Աշխարհի
Նոյյան տապան   -   Սպորտ
Լուրեր Հայաստանից եւ Սփյուռքից

Կարդացել են 346 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար