Առաջարկվում է հարկային և մաքսային քննիչների կենսաթոշակի իրավունքի իրացման նոր կարգ

13-06-2019 16:44:53   | Հայաստան  |  Մամլո հաղորդագրություն
Կառավարության հունիսի 13-ի նիստում հավանության է արժանացել նաև «Պաշտոնատար անձանց գործունեության ապահովման, սպասարկման և սոցիալական երաշխիքների մասին» ՀՀ օրենքում լրացումներ և փոփոխություններ կատարելու մասին» ՀՀ օրենքի նախագիծը։
 


Ներկայացված նախագծով կարգավորվում են հարկային և մաքսային ծառայություններում առնվազն
10 տարի քննիչի պաշտոն զբաղեցրած և օրենքով սահմանված հիմքերից որևէ մեկով պաշտոնից ազատված անձանց կենսաթոշակ նշանակելուն առնչվող հարաբերությունները:
 
Նախատեսվում է կենսաթոշակի իրավունք վերապահել նաև հարկային կամ մաքսային ծառայությանում 2017 թվականի հուլիսի 1-ի դրությամբ առնվազն 20 օրացուցային տարի քննչի պաշտոն զբաղեցրած անձանց:
 
Հարկային կամ մաքսային ծառայության քննչի պաշտոնից մինչև 2019 թվականի հունիսի 1-ը ազատված՝ կենսաթոշակի իրավունք ձեռք բերած (ունեցող) անձանց կենսաթոշակ կնշանակվի 2019 թվականի հունիսի 1-ից, եթե նրանք կենսաթոշակ նշանակելու դիմումը ներկայացնեն կենսաթոշակի իրավունքը ձեռք բերելուց հետո` 6 ամսվա ընթացքում, իսկ այդ ժամկետից հետո դիմելու դեպքում կենսաթոշակը կնշանակվի դիմելու օրվանից:
 
 Միաժամանակ, նախագծով առաջարկվում  է առնվազն 10 տարի դատավորի պաշտոն զբաղեցրած անձանց «Պաշտոնատար անձանց գործունեության ապահովման, սպասարկման և սոցիալական երաշխիքների մասին» ՀՀ օրենքով կենսաթոշակ նշանակելիս կենսաթոշակի չափը հաշվարկել դատավորի զբաղեցրած վերջին պաշտոնից ազատվելու օրվա դրությամբ այդ պաշտոնի համար սահմանված կարգով հաշվարկված աշխատավարձից:
 
 
 
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 539 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար