Հետազոտություն. վիտամին Դ-ի հագեցվածությունը և օստեոպորոզի տարածվածությունը Հայաստանում. ԱՆ

21-05-2019 17:51:15   | Հայաստան  |  Հասարակություն
Վիտամին Դ-ի հագեցվածությունը և օստեոպորոզի տարածվածությունը Հայաստանում որոշելու նպատալով Օստեոպորոզի կենտրոնը և Նյու Յորքի «Կոլումբիա» Համալսարանը առողջապահության նախարարության աջակցությամբ կազմակերպել են հետազոտություն, որում ընդգրկվել են Երևանից և մարզերից 1400 բնակիչ։
 


Առողջապահության նախարարի տեղակալներ Լենա Նանուշյանն ու Անահիտ Ավանեսյանը և
ս մասնակցել են հետազոտությանը:
 
Նշենք, որ հետազոտության շրջանակում անվճար կորոշվի վիտամին Դ, հեմոգլոբինը: Կանանց, ովքեր դաշտանադադարի շրջանում են, կառաջարկվի անցնել անվճար դենսիտոմետրիա անկախ տարիքից: Այն ոչ ինվազիվ ճառագայթային հետազոտություն է, որը թույլ է տալիս որոշել ողնաշարի, կոնքազդրային հոդի և նախաբազուկի ոսկրերի խտությունը։
 
Օստեոպորոզի տարածվածության մասին պատկերացումը կօգնի մշակել և իրականացնել համապատասխան կրթական և կանխարգելիչ ծրագրեր պետական մակարդակում և պայքարել այս հիվանդության դեմ:
 
Այդպիսով, հետազոտությունը կպարզի վիտամին Դ-ի դեֆիցիտի մակարդակը Հայաստանում, որ ցուցանիշները և դեմոգրաֆիկ տվյալներն են ազդում մեր երկրում ապրող բնակչության շրջանում վիտամին Դ-ի մակարդակի վրա: Միաժամանակ, կհավաքագրվեն տվյալներ օստեոպորոզի տարածվածության վերաբերյալ, ինչպես է դա համակցված տարիքի, աշխատանքի բնույթի կամ քաղաքում/գյուղում ապրելու չափանիշների հետ:
 
Վիտամին Դ-ն կարևոր դեր ունի ոսկրի համար, ողջ կյանքի ընթացքում: Մանկական հասակում վիտամին Դ-ի դեֆիցիտը հանգեցնում է ռախիտի առաջացմանը, իսկ մեծահասակների մոտ կարող է առաջացնել օստեոպենիա և օստեոպորոզ, ինչի հետևանքով աճում է կոտրվածքների առաջացման վտանգը:
 
Աշխարհում մոտավորապես 1 միլիարդ մարդ ունի վիտամին Դ-ի դեֆիցիտ:
Նոյյան տապան   -   Հասարակություն
Լուրեր Հայաստանից եւ Սփյուռքից

Կարդացել են 389 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար