Արթուր Գևորգյանը փաստում է` բռնցքամարտիկներին կաշառում են Հայաստանի առաջնությանը չմասնակցելու համար

23-10-2018 18:16:08   | Հայաստան  |  Սպորտ
Հայաստանի բռնցքամարտի ֆեդերացիայի նախագահ Արթուր Գևորգյանը փաստում է` բռնցքամարտի երկրորդ ֆեդերացիան, որն օրեր առաջ է բացվել, կաշառում է մարզիկներին` առաջարկելով չմասնակցել Հայաստանի առաջնությանը:
 


«Որևէ այլ ֆեդերացիա, բացառությամբ այսօր Հայաստանի առաջնությունն անցկացնող ֆեդերացիայի, կապ չունի սիրողական բռնցքամարտի հետ: Լավ երևույթ չէ, որ նույն մարզաձևի երկու ֆեդերացիա կա, դրա արդյունքում կորչում է որակը: Բայց եթե մարզիկներն ուզում են մասնակցել աշխարհի, Եվրոպայի առաջնություններին, կամ Օլիմպիական խաղերին միակ ճանապարհը Հայաստանի բռնցքամարտի ֆեդերացիան է և այս առաջնությունը»,-լրագրողների հետ զրույցում ասաց Գևորգյանը:
 
 
Գևորգյանի խոսքով` բռնցքամարտի մյուս ֆեդերացիան կաշառք է առաջարկել մարզիկներ, որ չմասնակցեն Հայաստանի առաջնությանը: «Այս կերպ այդ ֆեդերացիան պարզապես կործանում է, այդ երեխաների ապագան: Այս առաջնությանը չի մասնակցում Նարեկ Մանասյանը: Նրա հետ կապված մեր ֆեդերացիան բացառիկ ներդրում ունի: Ես հասկանում եմ, որ այդ քաշային կարգում լուրջ մրցակցություն կա և գուցե վախն է պատճառը նրա չմասնակցության»:
 
«Արմենպրես»–ի այն հարցին, թե Գևորգյանն ինչպես է տեսնում այս խնդրի հանգուցալուծումը, նա փաստեց. «Ինչպես այս ամենի հրահրող ՀԱՕԿ նախագահը բացել է նոր ֆեդերացիա և ճանաչում են այն: Ինչպես բացել են, թե այդպես էլ աշխատեն: Մի ֆեդերացիան իրավունք չունի մյուս ֆեդերացիայից բողոքի: Չկա մի տրամաբանությոն, որի միաժամանակ երկու ֆեդերացիա լինի»:
Նոյյան տապան   -   Սպորտ
Լուրեր Հայաստանից եւ Սփյուռքից

Կարդացել են 513 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար