Պուտինը Կերչում տեղի ունեցած ողբերգությունը համարում է գլոբալիզացիայի հետևանք. panorama.am

20-10-2018 15:25:45   | Ռուսաստան  |  Ի՞նչ է գրում մամուլը

panorama.am / Ռուսաստանի նախագահ Վլադիմիր Պուտինը հայտարարել է, որ Ղրիմի Կերչ քաղաքի պոլիտեխնիկական քոլեջում տեղի ունեցած ողբերգությունը գլոբալիզացիայի ու ԱՄՆ դպրոցներում մարդասպանների նմանակման հետևանք է: Այս մասին հայտնել է РИА Новости-ն։

ՌԴ նախագահի խոսքերով, ամեն ինչ սկսվել է ԱՄՆ-ում տեղի ունեցած ողբերգական իրադարձություններից, ու ոչ կայուն հոգեբանությամբ երիտասարդներն իրենց համար կեղծ հերոսներ են ստեղծում։

«Սա նշանակում է, որ մենք միասին, ոչ միայն Ռուսաստանում, ողջ աշխարհում, վատ ենք արձագանքում աշխարհում փոփոխություններին։ Սա նշանակում է, որ մենք համացանցում, ինտերնետում չենք ստեղծում անհրաժեշտ, հետաքրքիր ու օգտակար բովանդակություն երիտասարդների համար»,-ասել է Պուտինը Սոչիում կազմակերպված «Валдай» ակումբի քննարկման ժամանակ։

Հիշեցնենք, որ հոկտեմբերի 17-ին Կերչում տեղի ունեցած ահաբեկչության հետևանքով զոհվեց 21 մարդ, ևս 50-ը ստացել են վիրավորումներ։

 
 


Նոյյան տապան   -   Ի՞նչ է գրում մամուլը
Լուրեր Հայաստանից եւ Սփյուռքից

Կարդացել են 1342 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար