ՀՀ ԲՆ Հայաստանի բնության պետական թանգարանում մեկնարկել է «Թանգարանային գիշեր» միջոցառումների շարքը

18-05-2018 18:41:19   | Հայաստան  |  Մամլո հաղորդագրություն
 

 
Հայաստանի բնության պետական թանգարանը միացել է «Թանգարանային գիշեր» համաեվրոպական միջոցառմանը և ներկայացել իր յուրօրինակ միջոցառումների ցանկով: Այս տարի Թանգարանների միջազգային խորհրդի կողմից ընտրված օրվա խորագիրն է «Գերհաղորդակցվող թանգարաններ. նոր մոտեցումներ, նոր հանրույթներ»:
 
Ս.թ. մայիսի 18-ից 19-ը «Թանգարանների միջազգային օրվա» և «Թանգարանային գիշեր» միջոցառման շրջանակներում ՀՀ բնապահպանության նախարարության Հայաստանի բնության պետական թանգարանում կցուցադրվի «Ակնթարթ» և «Ժամանակի շունչը» խորագրով ցուցահանդեսը։ Այսօր մեկնարկած միջոցառմանը բացման խոսքով հանդես է եկել թանգարանի հանրահռչակման և հասարակության հետ կապերի բաժնի պետ Գոհար Սամսոնյանը՝ բարձր գնահատելով նմանատիպ միջոցառումների կարևորությունը, որոնք միտված են բնության հանդեպ հոգատարության սերմանմանը։ Միջոցառման ընթացքում ելույթով հանդես է եկել նաև ՀՀ նկարիչների միության անդամ Վլադիմիր Գրիգորյանը, ով շնորհակալություն է հայտնել թանգարանի տնօրինությանը՝ համագործակցության, աջակցություն ցուցաբերելու համար։ Երկօրյա միջոցառումների ծրագրում անդրադարձ է լինելու Հայաստանի Հանրապետության և Մայիսյան հերոսամարտերի 100-ամյակին։ Միջոցառման ընթացքում ելույթով հանդես են եկել Երևանի թիվ 99 միջնակարգ դպրոցի սաները։
Միջոցառման ավարտին թանգարանի տնօրեն Գայանե Ղազարյանը շնորհակալություն է հայտնել Երևանի թիվ 99 միջնակարգ դպրոցի սաներին՝ հանձինս նրանց ղեկավար           Ա. Մադոյանին, ինչպես նաև ՀՀ նկարիչների միության անդամներ Վլադիմիր Գրիգորյանին և Ֆլորա Բաղդասարյանին։ 
Այս տարի Հայաստանում Թանգարանների գիշերն անցկացվում է արդեն 15-րդ անգամ: 
Թանգարանների միջազգային օրը նշվում է 1977 թվականից` յուրաքանչյուր տարի համախմբելով ավելի քան 30 հազար թանգարաններ աշխարհի տարբեր երկրներից: 
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 266 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար