Նախարարն ընդունել է բեռնափոխադրող ընկերությունների ներկայացուցիչներին

19-01-2018 18:47:01   | Հայաստան  |  Մամլո հաղորդագրություն
 


ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը հունվարի 19-ին ընդունեց միջազգային բեռնափոխադրումներ իրականացնող ընկերությունների ներկայացուցիչներին՝ Հայաստանի միջազգային փոխադրողների ասոցիացիայի նախագահ Հերբերտ Համբարձումյանի գլխավորությամբ։
 
Հանդիպմանը ներկա էին նաև ՀՀ ֆինանսների նախարարության և ՊԵԿ պաշտոնյաներ։
 
Բեռնափոխադրողները նախարարին ներկայացրին այն խնդիրներն ու խոչընդոտները, որոնք առաջ են եկել ՀՀ հարկային օրենսդրության մեջ կատարված փոփոխությունների արդյունքում: Դրանք հիմնականում առնչվում են գործուղմանը, վառելիքին, ճանապարհային վճարների չափին և այլ թեմաների։ Նրանք նաև նշված խնդիրների հնարավոր լուծումներ առաջարկեցին։ 
 
Առաջարկներից մեկն այն էր, որպեսզի հարկային վճարումներն իրականացվեն ամսական կտրվածքով՝ հաշվի առնելով, որ բեռնափոխադրումները հիմնականում սեզոնային են։ 
 
Խնդիրներն առավել հանգամանորեն պարզաբանելու, դրանց լուծման հնարավորությունները քննարկելու և ավելի կոնկրետ մեկնաբանություններ ստանալու նպատակով առաջիկա օրերին հանդիպում-քննարկում տեղի կունենա ՊԵԿ-ում։ 
 
ՀՀ տրանսպորտի, կապի և տեղեկատվական 
տեխնոլոգիաների նախարարության
լրատվական ծառայություն
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 204 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար