Վարպետության դասեր՝ Երևանի արտաքին գովազդի 2-րդ փառատոնի շրջանակում

23-11-2017 17:21:43   | Հայաստան  |  Հասարակություն
 


Երևանի քաղաքապետարանի կողմից նոյեմբերի 21-26-ն անցկացվող Երևանի արտաքին գովազդի 2-րդ փառատոնի շրջանակում մեկնարկել են վարպետության դասերը: «Մոսկվա» կինոթատրոնի դահլիճում ուսանողների, գովազդի ոլորտի ներկայացուցիչների և պարզապես ոլորտով հետաքրքրված անձանց հետ հանդիպել է IKRA ստեղծարար մտածողության դպրոցի հիմնադիր Վասիլի Լեբեդևը: Մասնագիտական ավելի քան 15 տարվա փորձ ունեցող Վասիլի Լեբեդևը խոսել է «Կրեատիվ մտածողության զարգացում» թեմայի շուրջ, ներկայացրել օրինակներ, որոնք այսօր արդեն համալրել են լավագույն գովազդների շարքերը: Ռուսաստանի Դաշնությունից հրավիրված մասնագետը, անդրադառնալով Երևանի արտաքին գովազդի 2-րդ փառատոնին, նշել է, որ ոլորտի զարգացման համար այն բացառիկ հնարավորություն է ընձեռում:
Հանդիպման ընթացքում վարպետության դասի մասնակիցներն իրենց հարցերն են ուղղել բանախոսին և քննարկումներ ծավալել: Նրանք նաև նշել են, որ տպավորված են փառատոնի առաջին օրերի միջոցառումներով, և ընդգծել, որ ձեռք բերած գիտելիքերը հետագայում փորձելու են ներդնել Երևանի գովազդային դաշտում:
Նշենք, որ փառատոնի շրջանակում վարպետության դասեր կտան նաև հրավիրված միջազգային մյուս մասնագետները:
 
Նոյյան տապան   -   Հասարակություն
Լուրեր Հայաստանից եւ Սփյուռքից

Կարդացել են 119 անգամ
Անվճար բաժանորդագրվեք մեր հաղորդումներին YouTube-ում, Facebook-ում, Twiter-ում
 
Noyan Tapan - Նոյյան տապան
Facebook Group · 3 333 անդամ
Միանալ խմբին
Խումբը ստեղծվել է «Նոյյան տապանի» հեռուստակամուրջ - հաղորդաշարի համակիրների համար, որպեսզի վերջիններս հնարավորություն ունենան. - Արտահայտել իրենց կարծիքը...