Ռայան Բոաթրայթը բասկետբոլի ազգային հավաքականի հետ ժամանել է Ալբանիա

22-11-2017 19:52:41   | Ալբանիա  |  Սպորտ
Բասկետբոլի Հայաստանի ազգային հավաքականն առավոտյան ժամանել է Ալբանիայի մայրաքաղաք Տիրանա, որտեղ վաղը կհյուրընկալվի այդ երկրի ընտրանուն։
 


Հայաստանի բասկետբոլի ֆեդերացիայի հաղորդմամբ, ազգային թիմի ճամբարում մրցավայր է մեկնել նաեւ Ռայան Բոաթրայթը:  Երեկ ֆեդերացիան հայտարարել էր, որ Բոաթրայթին հեռացրել են թիմից: Սակայն որոշակի փոփոխություններ են տեղի ունեցել:
 
Հավաքականի կազմում Աբլանիա մեկնել են՝ Ամիրան Ամիրխանովը, Լուկաս Ֆիշերը, Անդրանիկ Չրաբաշը,  Ռայան Բոաթրայթը, Ալլան Հեսսը, Անդրեյ Կոնստանտինովը, Արարատ Քոչինյանը, Ալբերտ Թադեւոսյանը, Էդգար Բաբայանը, Գեորգի Պոդկոլզինը, Կոնստանտին Միրզոյանցը:
 
Ֆեդերացիայի փոխանցմամբ, Արագադ Աբրամյանն այս օրերին կլինի հավաքականի հետ, սակայն չի մասնակցի հանդիպմանը փաստաթղթերի պատճառով:
 
Եվրոպայի առաջնության նախընտրական փուլի մեկնարկային՝ Ալբանիա- Հայաստան հանդիպումը տեղի կունենա նոյեմբերի 23-ին, Երեւանի ժամանակով 20:30-ին:
 
Նոյյան տապան   -   Սպորտ
Լուրեր Հայաստանից եւ Սփյուռքից