ՀՀ բնապահպանության նախարարի տեղակալ Խաչիկ Հակոբյանն այցելել է Dasaran կրթական կենտրոն

10-11-2017 16:49:53   | Հայաստան  |  Մամլո հաղորդագրություն
 

 
   ՀՀ բնապահպանության նախարարի տեղակալ Խաչիկ Հակոբյանն այսօր այցելել է Dasaran կրթական կենտրոն: Փոխնախարարը, վերջինիս ուղեկցող Տեղեկատվության և հասարակայնության հետ կապերի վարչության պետ Արմեն Վարդանյանը և Կենսառեսուրսների կառավարման գործակալության էկոտուրիզմի գծով մասնագետ Վահագն Սարգսյանը ծանոթացել են ծրագրի կողմից իրականացվող աշխատանքների առանձնահատկություններին:
 
   «Նոր սերնդի դպրոց» հասարակական կազմակերպության նախագահ, Dasaran կրթական ծրագրի հիմնադիր Սուրեն Ալոյանը և գործադիր տնօրեն Արթուր Բաբայանը ներկայացրել են կրթական ծրագրի կայացման ուղին, ձեռքբերումները, Dasaran.am կայքի հնարավորությունները, ընթացիկ ու նախանշված նախագծերը:
    Խ. Հակոբյանը ներկայացրել է էկոլոգիական կրթության և դաստիարակության զարգացման ուղղությամբ ՀՀ բնապահպանության նախարարության կողմից իրականացվող քայլերը, էկոտուրիզմի ոլորտում առկա վիճակը: 
    Քննարկում է ծավալվել վերոհիշյալ հարցերի վերաբերյալ համագործակցության հնարավոր ձևաչափերի և մեխանիզմների շուրջ, նախանշվել այն հարցերի շրջանակը, որոնց ուղղությամբ առաջիկայում կառուցվելու է գերատեսչության և կրթական ծրագրի փոխգործակցությունը:
 
 
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 221 անգամ
Անվճար բաժանորդագրվեք մեր հաղորդումներին YouTube-ում, Facebook-ում, Twiter-ում
 
Noyan Tapan - Նոյյան տապան
Facebook Group · 3 333 անդամ
Միանալ խմբին
Խումբը ստեղծվել է «Նոյյան տապանի» հեռուստակամուրջ - հաղորդաշարի համակիրների համար, որպեսզի վերջիններս հնարավորություն ունենան. - Արտահայտել իրենց կարծիքը...