Անկարայում ԻՊ-ի հետ կապ ունենալու կասկածանքով ձերբակալվել է ավելի քան 100 մարդ

09-11-2017 13:46:45   | Թուրքիա  |  Հասարակություն
 


Թուրքիայի անվտանգության ուժերը «Իսլամական պետություն» ահաբեկչական խմբավորման հետ կապ ունենալու կասկածանքով ձերբակալել են առնվազն 101 մարդու: 
Tass-ի փոխանցմամբ՝ Անկարայի անվտանգության և Թուրքիայի հակաահաբեկչական վարչությունների ավելի քան 1500 աշխատակիցներ գործողություններ են իրականացնում թուրքական մայրաքաղաքի մի քանի շրջաններում: Ընդհանուր առմամբ՝ իրավապահ մարմինների տեսադաշտում են հայտնվել 245 քաղաքացիներ: 
 
Նշվում է, որ նոյեմբերի սկզբին Թուրքիայի անվտանգության գլխավոր վարչությունը հաղորդել է 283 մարդու ձերբակալության մասին, որոնք դարձյալ կասկածվել են ԻՊ-ի հետ կապ ունենալու մեջ: 
 
Այդ ժամանակ անցկացված հատուկ գործողությունների ընթացքում կասկածյալների մոտ հայտնաբերվել էր 66 ինքնաշեն պայթուցիկ սարք: Ձերբակալվածներից ոմանք ծրագրել էին ահաբեկչություն իրականացնել Անկարայում և Ստամբուլում: 
 
Նոյյան տապան   -   Հասարակություն
Լուրեր Հայաստանից եւ Սփյուռքից

Կարդացել են 231 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար