Հայաստանի և Ադրբեջանի արտգործնախարարների հանդիպումը նախատեսվում է մինչև տարեվերջ. ՌԴ ԱԳՆ. Tert.am

08-11-2017 19:42:06   |   |  Մամուլի տեսություն
ԵԱՀԿ Մինսկի խմբի համանախագահները պատրաստվում են մինչև տարեվերջ կազմակերպել Հայաստանի և Ադրբեջանի արտգործնախարարների հանդիպումը: Այդ մասին ԱՊԱ գործակալությանը հայտնել են Ռուսաստանի ԱԳՆ-ում:
 


«Հաշվի առնելով Լեռնային Ղարաբաղի հակամարտության կարգավորման հարցով Ժնևում հոկտեմբերի 16-ին կայացած գագաթնաժողովի արդյունքները՝ համանախագահները պատրաստվում են կազմակերպել Ադրբեջանի և Հայաստանի արտգործնախարարների հանդիպումը մինչև տարեվերջ: Իսկ մինչ այդ հանդիպումը, համանախագահները խորհրդակցություններ կանցկացնեն Ադրբեջանի և Հայաստանի արտգործնախարարների հետ առանձին-առանձին: Այժմ ռուս համանախագահն ամերիկացի և ֆրանսիացի գործընկերների հետ աշխատանք է տանում այդ խորհրդակցությունների վայրի և ամսաթվի որոշման ուղղությամբ»,- նշել են ՌԴ ԱԳՆ-ում:
 
Ավելի վաղ Ադրբեջանի արտգործնախարար էլմար Մամեդյարովը հայտնել էր, որ նոյեմբերի 16-ին նա համանախագահների հետ կհանդիպի Մոսկվայում:
 
ՀՀ փոխարտգործնախարար Շավարշ Քոչարյանը չէր հերքել, որ Արցախի հակամարտության կարգավորման շրջանակում Հայաստանի և Ադրբեջանի արտգործնախարարների հանդիպում նախատեսված է: Նա ԱԺ-ում լրագրողների հետ զրույցում նշել էր, որ դեռևս հայտնի չէ, թե հանդիպումը երբ կլինի:
Նոյյան տապան   -   Մամուլի տեսություն
Լուրեր Հայաստանից եւ Սփյուռքից

Կարդացել են 289 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար