Շվեյցարիայի դեսպանի հետ քննարկվել է տրանսպորտային փոխադրումներն ավելացնելու հնարավորությունները

16-10-2017 19:19:09   | Հայաստան  |  Մամլո հաղորդագրություն
ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը հոկտեմբերի 16-ին ընդունել է Հայաստանում Շվեյցարիայի արտակարգ և լիազոր դեսպան Լուկաս Գասսերին: Ինչպես տեղեկացրին ՀՀ տրանսպորտի, կապի և տեղեկատվական տեխնոլոգիաների նախարարությանլրատվական ծառայությունից, նախարար Վահան Մարտիրոսյանը, ողջունելով դեսպանին, կարևորել է տնտեսության տարբեր ոլորտներում երկկողմ համագործակցությունը՝ առանձնացնելով հատկապես բարձր տեխնոլոգիաների ոլորտում ձևավորված ամուր գործակցությունը:
 


Ներկայացնելով վերջին շրջանում Հայաստանում անցկացված ՏՀՏ համաժողովները, դրանց արդյունավետ անդրադարձը ոլորտի մասնագետների կարողությունները համատեղ ծրագրերում ներգրավելու գործում, նախարարն առաջարկել է գործակցային կապերն առավել սերտացնելու նպատակով շվեյցարական ընկերությունների հետ ևս նման համաժողովներ կազմակերպել:
 
Շնորհակալություն հայտնելով առաջարկի համար՝ դեսպան Լուկաս Գասսերն ընդգծել է, որ կան ամուր հիմքեր ՏՀՏ ոլորտում գործակցությունն ավելի ընդլայնելու և առավել խորացնելու համար: Հանդիպման ընթացքում քննարկվել են նաև համագործակցության այլ հնարավորություններ՝ մասնավորապես տրանսպորտի և ճանապարհաշինության ոլորտներում:
 
Նախարարն ընդգծել է շվեյցարական ընկերությունների առաջադեմ փորձը ուղևորափոխադրումների կառավարման ոլորտում, առաջարկել, որպեսզի նրանք իրենց մասնակցությունն ունենան Հայաստանում միասնական երթուղային ցանց ստեղծելու ծրագրում։ Քննարկվել են նաև ճանապարհաշինության ոլորտում համագործակցության հեռանկարները և երկու երկրների միջև տրանսպորտային փոխադրումներն առավել ակտիվացնելու 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 234 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար