Դավիթ Լոքյանն ընդունել է ԵԽ տեղական և տարածքային իշխանությունների կոնգրեսի դիտորդական առաքելության պատվիրակությանը

12-05-2017 18:22:56   | Հայաստան  |  Մամլո հաղորդագրություն
ՀՀ տարածքային կառավարման և զարգացման նախարար Դավիթ Լոքյանն այսօր ընդունել է ս.թ. մայիսի 14-ին կայանալիք Երևանի ավագանու ընտրությունների ընթացքում դիտորդական առաքելություն իրականացնելու նպատակով Հայաստան ժամանած ԵԽ տեղական և տարածքային իշխանությունների կոնգրեսի դիտորդական առաքելության պատվիրակությանը: 
Շնորհակալություն հայտնելով նախարար Լոքյանին ջերմ ընդունելության համար` ԵԽ տեղական և տարածքային իշխանությունների կոնգրեսի դիտորդական առաքելության անդամ Լիզա Անսալան նշել է, որ իրենց համար պատիվ է Հայաստանում տեղական ժողովրդավարության զարգացումներին հետևելը:
 

Պատվիրակության անդամները հետաքրքրվել են   նախարարից, թե ինչ քայլեր և աշխատանքներ են ձեռնարկվում  տեղական մակարդակում ժողովրդավարության խորացման, տեղական իշխանությունների դերի մեծացման և համայնքային ծառայությունների որակի բարելավման ուղղությամբ:
Դավիթ Լոքյանը հյուրերին հանգամանորեն ներկայացրել է ՀՀ-ում վարչատարածքային բարեփոխումների գործընթացը: Նա գոհունակությամբ տեղեկացրել է, որ խոշորացված համայնքներում բավականին լուրջ աշխատանքներ են տարվել ծառայությունների բարելավման, նոր ծառայությունների մատուցման և ենթակառուցվածքային խնդիրները լուծելու ուղղութամբ:  Նախարարը անդրադարձել է նաև խոշորացված համայնքներում իրականացվող տնտեսական ծրագրերին, որոնք մշակվել են նախարարության կողմից պատրաստված մեթոդական ուղեցույցի համաձայն:
Ծառայությունների որակի բարելավման համատեքստում, Դավիթ Լոքյանը մեծապես կարևորել է համայնքների կողմից տրամադրվող ծառայությունները մասնավոր հատվածին պատվիրակելը, մասնավորապես` աղբահանության, լուսավորության, ներհամայնքային ճանապարհների սպասարակման հարցերում: 
 
ՀՀ տարածքային կառավարման և զարգացման նախարարություն
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից