Արեւմտյան Հայաստանի Հանրապետության պաշտոնական պատվիրակությունը հարգանքի տուրք մատուցեց Հայրենական մեծ պատերազմում զոհվածների հիշատակին (տեսանյութ)



09-05-2017 19:00:07   | Հայաստան  |  Հասարակություն

Եռատոնի կապակցությամբ Հաղթանակի զբոսայգի էին եկել նաև Արևմտյան Հայաստանի Հանրապետության կառավարության և խորհրդարանի պաշտոնյաներ ու պատգամավորներ՝ իրենց ընտանիքների անդամների հետ: 

Կարևորելով Հայկական Հարցի լուծումը` Արևմտյան Հայաստանի Հանրապետության վարչապետ Տիգրան Փաշաբեզյանն ընդգծեց, որ ներկայիս տարածաշրջանում տեղի ունեցող փոփոխությունների ֆոնին հայ ժողովուրդն իր ներուժը պետք է կենտրոնացնի հայերին տրված բոլոր իրավունքների վերկանգնման խնդիրների վրա, ինչը կնպաստի, թե Արցախի Հանրապետության անվտանգությանը, թե Հայաստանի Հանրապետության ինքնիշխանության պահպանմանն ու հզորացմանը: 
Արևմտյան Հայաստանի Հանրապետության պաշտոնական պատվիրակությունը ծաղիկներ խոնհարեց անմար կրակի մոտ և մեկ րոպե լռությամբ հարգեց զոհվածների հիշատակը:
 
Էլիզա Զախարյան, «Նոյյան Տապան» 

 

 


Նոյյան տապան   -   Հասարակություն
Լուրեր Հայաստանից եւ Սփյուռքից