Հայ ժամանակակից կամերային երաժշտության փառատոնի եզրափակիչ համերգը

20-11-2018 19:00   | Հայաստան  |  Համերգ
Հայ ժամանակակից կամերային երաժշտության փառատոնի եզրափակիչ համերգը՝ նոյեմբերի 20-ին
 
Նոյեմբերի 20-ին Կոմիտասի անվան կամերային երաժշտության տանը տեղի կունենա Հայ ժամանակակից կամերային երաժշտության փառատոնի եզրափակիչ համերգը: Հիշեցնենք, որ հոկտեմբերի 22-ին մեկնարկած փառատոնն իրականանում է Հայաստանի կոմպոզիտորների միության նախաձեռնությամբ և ՀՀ մշակույթի նախարարության աջակցությամբ: 
 
Ողջ երեկոյի ընթացքում բեմում կլինի Հայաստանի ազգային ֆիլհարմոնիկ նվագախմբի կամերային կազմը, դիրիժոր Ռուբեն Ասատրյանի ղեկավարությամբ: Եզրափակիչ՝ վեցերորդ համերգին կհնչեն Ժիրայր Շահրիմանյանի, Աշոտ Բաբայանի, Սուրեն Զաքարյանի, Նարինե Զարիֆյանի և Արամ Սաթյանի ստեղծագործությունները: Որպես մենակատար հանդես կգան Յանա Դարյանը /ալտ/, Ռոբերտ Աբրամյանը /հոբոյ/, Հակոբ Ջաղացպանյանը /կիթառ/, ինչպես նաև ՀԿՄ նախագահ Արամ Սաթյանը /դաշնամուր/: Հավելենք միայն, որ բոլոր ստեղծագործությունները կատարվելու են առաջին անգամ: Համերգի մուտքն ազատ է: Սկիզբը՝ 19:00-ին:
 
 
 
 
Լուրեր Հայաստանից եւ Սփյուռքից